Ака уйǎхĕн  18- мĕшĕнче Юнкǎри вǎтам шкулта чǎваш чĕлхипе литература эрни пуçланчĕ. Эрнене чǎваш халǎх писательне М.Н. Юхмана халалланǎ. Библиотекǎра  «Юхма Мишши – ача-пăча çыравçи» кĕнекесен выставкине йĕркеленĕ.

    Чǎваш чĕлхине вĕрентекен Михалкина И.Г, 11 класс ертÿçи  класс сехетне М.Н. Юхмана халалларĕ. Ирина Геннадьевна 11 класра вĕренекенсемпе «Ăсталăх тÿпинче» калаçу  ирттерчĕ.   

        10 класра вĕренекенсемпе Шандимирова Н.В. М.Н. Юхма пултарулǎхĕ тǎрǎх «Миллион ǎс» вǎйǎ   ирттерчĕ.   Чǎваш халǎх писателĕн М.Н. Юхма  пултарулǎхне ǎста пĕлекенсем Хлебкова О тата Маряшкин Денис пулчĕç.

         Çĕнтерÿçсене саламлатпǎр.