С.М.Михайлов(Яндуш) çуралнăранпа 190 çул çитнине халалланă

республикăри "Миллион чăвашпа çармăсран эп Раççейри пěрремěш çыравçă" интернет олимпиада

положенийĕ

1.  Интернет олимпида йĕркелевçисемпе хутшăнаканĕсем

            С.М.Михайлов çуралнăранпа 190 çул çитнине халалланă республикăри "Миллион чăвашпа çармăсран эп Раççейри пěрремěш çыравçă" интернет олимпидăна Пĕтĕмĕшле пĕлÿ паракан муниципаллă вĕренÿ учрежденийĕ „Чăваш Республикин Муркаш районĕнчи С.М.Михайлов ячĕллĕ Юнкăри пĕтĕмĕшле пĕлÿ паракан вăтам шкул”   Чăваш чĕлхин инçет вĕренÿ центрĕпе пĕрле ирттерет. Олимпиада раштав уйăхĕн 6-мĕшĕнчен пуçласа 12-мĕшĕччен пырать. Ку тупăшăва Чăваш Республикинче пурăнакан виçě ÿсĕмри шкул ачисем хутшăнма пултараççĕ: 5-6-мĕш, 7-8-мĕш тата 9-11-мĕш классенче вĕренекенсем.

2. Интернет олимпиада тĕллевĕсем

Интернет олимпиадăна çак тĕллевсемпе ирттереççĕ:

            -  С. М. Михайловăн пурнăçĕпе пултарулăхне пур енлĕн тишкерме,

            -  чăваш чĕлхипе литературине вĕрентес ĕçĕн пахалăхне ÿстерме,

            -  вĕренекенсен творчествăлла ăсталăх ÿсĕмне палăртма тата малалла аталантарма,

            -  вĕренÿ ĕçĕнче интернет технологийĕсемпе анлăрах усă курма.

3. Интернет олимпиадăна ирттермелли йĕрке

Олимпиада Чăваш чĕлхин инçет вĕренÿ центрĕн сайтĕнче (http://inset.chv.su.) икĕ тапхăрпа иртет:

1. Пĕрремĕш тапхăр: хутшăнакансене регистрацилесси - раштав уйăхĕн 6-мĕшĕнчен пуçласа 11-мĕшĕччен;

2. Иккĕмĕш тапхăр: интернет олимпиада ыйтăвĕсем çине хуравласси - раштав уйăхĕн 11-мĕшĕнчен пуçласа 13-мĕшĕччен;

Интернет олимпиада раштав уйăхĕн 12-мĕшĕнче 24 сехетре вĕçленет

Веб страницăсенче кашни ÿсĕм ушкăнĕ валли 10-шар ыйту пулать.

Ĕçе пурнăçлама 50 минут параççĕ.

Ĕçе хăвăрт пурăçлама вĕренекенсене клавиатурăн чăвашла сарăмне лартма сĕнетпĕр. Ăна чăваш чĕлхи комиссийĕн сайтĕнче (http://comissi.chv.su/node/19)  тупма пулать. Çак программăнах олимпиадăна хутшăнма регистрациленнĕ хыççăн Чăваш чĕлхин инçет вĕренÿ центрĕн сайтĕнче çак каçăпа http://inset.chv.su/file.php/7/setup_cv.exe  уçласа илме пулать.

4.  Олимпиада пĕтĕмлетĕвĕ тата çĕнтерÿçĕсене палăртни.

Пĕтĕмлетÿ 2011 çулхи раштав уйăхěн 14-мĕшĕ тĕлне паллă пулать.

Интернет олимпиадăн жюрине Чăваш Республикин вĕрентÿ институчĕн тата Чăваш чĕлхин инçет вĕренÿ центрĕн представителĕсене, çавăн пекех  Юнкăри пĕтĕмĕшле пĕлÿ паракан вăтам шкул ĕçченĕсене кĕртеççĕ.

Кашни тĕрĕс хурава 1 балпа хаклаççĕ. Енчен те мала тухнисем пĕр пек балл пуçтарнă пулсан çĕнтерÿçĕне хурава маларах панине шута илсе палăртаççĕ.

5. Çĕнтерÿçĕсене хавхалантарни.

Çĕнтерÿçĕсене Чăваш Республикин Муркаш районĕнчи С.М.Михайлов ячĕллĕ Юнкăри пĕтĕмĕшле пĕлÿ паракан вăтам шкулта чыслаççĕ.

Чăваш чĕлхин инçет вĕренÿ центрĕ  чи лайăх 40 хутшăнакана "Интернет олимпиадăна хутшăнаканăн электрон сертификачĕпе" хавхалантарĕ.